ಹೊಲ ಸೀಮೆ ಅಥವಾ ಒಟ್ಟು ಜಾಗಕ್ಕಾಗಿ ರೈತರು ಜಗಳ ಆಡುವುದು ಸರ್ವೆ ಸಾಮಾನ್ಯ. ಇದಕ್ಕಾಗಿ ರೈತರು ಪೊಲೀಸು, ಕೋರ್ಟು ಮೆಟ್ಟಿಲೇರುವುದು ನಾವು ನೋಡಿದ್ದೇವೆ. ರೈತರ ಬಾಳು ಇದರಿಂದ ತುಂಬಾ ಹಾಳಾಗಿದೆ. ಆಗು ವ್ಯವಸಾಯಕ್ಕೆ ಅಡ್ಡಿ ದಾರಿ ಇರುವುದಿಲ್ಲ. ಇಂತಹ ಅನೇಕ ಸಮಸ್ಯೆಗಳಿಗೆ ಈ ಒಂದು ಅಂಕಣ ನಿಮಗೆ ಪರಿಹಾರದ ದಾರಿ ತೋರಿಸಲಿದೆ. ಹಾಗಾಗಿ ಇಂದು ನಾವು ರೈತರಿಗೆ ಸರ್ಕಾರದಲ್ಲಿ ಅಧಿಕೃತವಾಗಿ ಅವರ ಹೊಲವು ಎಷ್ಟಿದೆ ಎಂಬುದನ್ನು ತಿಳಿಸಲಿದ್ದೇವೆ. ಇದೇ ರೀತಿ ಕೃಷಿ ಸಂಬಂಧಿತ ಯೋಜನೆಗಳು ಮಾಹಿತಿಗಳು ಹಾಗೂ ಆಧುನಿಕ ರೈತರ ಯಶೋಗಾಥೆಗಳಿಗಾಗಿ ಕೃಷಿ ವಾಣಿಯ ಜಾಲತಾಣಕ್ಕೆ ಭೇಟಿ ಕೊಡುತ್ತಾ ಇರಿ. ಈ ಎಲ್ಲ ಮಾಹಿತಿಗಳನ್ನು ತಿಳಿದುಕೊಳ್ಳಲು ಸಂಪೂರ್ಣ ಅಂಕಣವನ್ನು ಕೊನೆಯವರೆಗೆ ಓದಿ.

ಈ ರೀತಿಯ ದಾಖಲೆಗಳು ಅಥವಾ ಮಾಹಿತಿಗಳಿಗಾಗಿ ರೈತರು ಇನ್ನು ಮುಂದೆ ತಹಶೀಲ್ದಾರ್ ಅಥವಾ ಗ್ರಾಮ ಪಂಚಾಯಿತಿಗಳ ಕಚೇರಿಗಳಿಗೆ ಅಲೆದಾಡಬೇಕಿಲ್ಲ. ನಾವು ತಿಳಿಸುವ ಹಾಗೆ ಈ ಅಂಕಣವನ್ನು ಸಂಪೂರ್ಣ ನೋಡಿ ನೀವು ನಿಮ್ಮ ಮನೆಯಲ್ಲಿಯೇ ಕುಳಿತುಕೊಂಡು ಪರಿಹಾರವನ್ನು ಹುಡುಕಿಕೊಳ್ಳಬಹುದು. ಜಮೀನಿನ ದಾಖಲೆಗಳನ್ನು ಪಡೆಯಲು ರೈತರೀಗ ತಹಶೀಲ್ದಾರ್ ಕಚೇರಿಗಳ ಮುಂದೆ ಗಂಟೆಗಟ್ಟಲೇ ನಿಲ್ಲಬೇಕಿಲ್ಲ. ಮನೆಯಲ್ಲಿಯೇ ಕುಳಿತು ತಮಗೆ ಬೇಕಾದ ದಾಖಲೆಗಳನ್ನು ಪಡೆಯಲು ಸರ್ಕಾರವು ಭೂಮಿ ತಂತ್ರಾಂಶವನ್ನು ಅಭಿವೃದ್ಧಿಪಡಿಸಿದೆ. ಈ ಪ್ರಕ್ರಿಯೆಯನ್ನು ಯಾವ ರೀತಿ ನೀವು ಮಾಡಬೇಕು ಎಂಬುದನ್ನು ಈ ಅಂಕಣದಲ್ಲಿ ತಿಳಿಸುತ್ತೇವೆ. ರೈತರು ಜಮೀನಿನ ಪಹಣಿ, ಮುಟೇಶನ್ ಪ್ರತಿ, ಖಾತಾ, 11ಇ, ಪೋಡಿ ಸೇರಿದಂತೆ ಇನ್ನಿತರ ದಾಖಲೆಗಳನ್ನು ಆನ್ಲೈನ್ ನಲ್ಲೇ ಪಡೆಯಬಹದು. ಹಳೆಯ ಪಹಣಿಗಳಲ್ಲಿ ಯಾರ ಹೆಸರಿತ್ತು, ಯಾರ ಹೆಸರಿನಿಂದ ವರ್ಗಾವಣೆಯಾಗಿದೆ. ಈಗ ಯಾರ ಹೆಸರಿಗೆ ಪಹಣಿಯಿದೆ ಎಂಬುದನ್ನು ರೈತರು ನೋಡಬಹುದು. ಪಹಣಿಯ ಸರ್ವೆ ನಂಬರಿನಲ್ಲಿ ಯಾರ ಯಾರ ಹೆಸರಿದೆ ಎಂಬುದನ್ನು ಸಹ ಚೆಕ್ ಮಾಡಬಹುದು. ಹಾಗೂ ಪಹಣಿಯ ಈ ಮೊದಲು ಯಾರ ಯಾರ ಹೆಸರಿನಲ್ಲಿತ್ತು ಯಾವಾಗ ವರ್ಗಾವಣೆಯಾಗಿತ್ತು ಎಂಬುದನ್ನು ಕೂಡ ನೀವು ತಿಳಿದುಕೊಳ್ಳಬಹುದು.

see an RTC of your land ರೈತರು ಪಹಣಿಗಳನ್ನು ನೋಡುವುದು ಹೇಗೆ?

ರೈತರು ತಮ್ಮ ಪಹಣಿಗಳನ್ನು ಮೊಬೈಲ್ ನಲ್ಲೇ ನೋಡಬೇಕಾದರೆ ಈ https://landrecords.karnataka.gov.in/Service2/ ಲಿಂಕ್ ಮೇಲೆ ಕ್ಲಿಕ್ ಮಾಡಬೇಕು. ಆಗ ಜಮೀನಿನ ಪಹಣಿ ನೋಡುವ ಭೂಮಿ ತಂತ್ರಾಂಶದ ಪೇಜ್ ತೆರೆದುಕೊಳ್ಳುತ್ತದೆ. ಅಲ್ಲಿ ಜಿಲ್ಲೆ ಆಯ್ಕೆ ಮಾಡಿಕೊಳ್ಳಬೇಕು. ನಂತರ ತಾಲೂಕು ಆಯ್ಕೆ ಮಾಡಿಕೊಳ್ಳಬೇಕು. ಹೋಬಳಿ ಆಯ್ಕೆ ಮಾಡಿಕೊಂಡ ನಂತರ ನಿಮ್ಮ ಗ್ರಾಮ ಆಯ್ಕೆ ಮಾಡಿಕೊಳ್ಳಬೇಕು.

ಸರ್ವೆ ನಂಬರ್ ನಮೂದಿಸಿದ ನಂತರ ಗೋ ಮೇಲೆ ಕ್ಲಿಕ್ ಮಾಡಬೇಕು. ನಂತರ ಮೂಲೆಯಲ್ಲಿ ಸ್ಟಾರ್ಟ್ ಆಯ್ಕೆ ಮಾಡಿಕೊಳ್ಳಬೇಕು. ಹಿಸ್ಸಾ ನಂಬರ್ ಆಯ್ಕೆ ಮಾಡಿಕೊಳ್ಳಬೇಕು. ಕೆಲವು ರೈತರಿಗೆ ಅವರ ಹೊಲದ ಅಥವಾ ಜಮೀನಿನ ಇಸಾ ನಂಬರ್ ಗೊತ್ತಿರುವುದಿಲ್ಲ. ಅಂತಹ ರೈತರು ಇಲ್ಲಿರುವ ಹಿಸ್ಸಾ ನಂಬರ್ ಗಳನ್ನು ಒಂದೊಂದಾಗಿ ಚೆಕ್ ಮಾಡಿಕೊಳ್ಳಬೇಕು. ಪೀರಿಯಡ್ ವಿಭಾಗದಲ್ಲಿ ನೀವು ಪ್ರಸ್ತುತ ವರ್ಷ ಅಥವಾ ಯಾವ ವರ್ಷದಿಂದ ಪಹಣಿ ನೋಡಬೇಕೆಂದುಕೊಂಡಿದ್ದೀರೋ ಆ ವರ್ಷ ಆಯ್ಕೆ ಮಾಡಿಕೊಳ್ಳಬೇಕು. ಯಾವ ವರ್ಷದಲ್ಲಿಯೂ ಸಹ ಯಾವ ವರ್ಷದಿಂದ ಪಹಣಿ ನೋಡಬೇಕೆಂದುಕೊಂಡಿದ್ದೀರೋ ಅದನ್ನು ಆಯ್ಕೆ ಮಾಡಿಕೊಳ್ಳಬೇಕು.

ಆಗ ಜಮೀನಿನ ಮಾಲೀಕರ ಹೆಸರು ಕಾಣುತ್ತದೆ. ಅದರ ಮುಂದುಗಡೆ ಗ್ರಾಮ ಸರ್ವೆ ನಂಬರ್, ಸರ್ನೋಕ್, ಹಿಸ್ಸಾ ನಂಬರ್ ಕಾಣುತ್ತದೆ. ಯಾವ ವರ್ಷದ ಪಹಣಿ ನೋಡಬೇಕೆಂದುಕೊಂಡಿದ್ದೀರೋ ಆ ವರ್ಷ ಕಾಣುತ್ತದೆ. View ಮೇಲೆ ಕ್ಲಿಕ್ ಮಾಡಿದ ನಂತರ ನಿಮ್ಮ ಜಮೀನನ ಪಹಣಿ ತೆರೆದುಕೊಳ್ಳುತ್ತದೆ. ಅಲ್ಲಿ ಆ ಸರ್ವೆ ನಂಬರಿನಲ್ಲಿ ಒಟ್ಟು ಎಷ್ಟು ಎಕರೆ ಜಮೀನು ಇದೆ. ಇಲ್ಲಿ ನೀಡಿರುವ ಫಲದ ಪ್ರಮಾಣ ಅಥವಾ ಜಮೀನನ್ನು ಪ್ರಮಾಣ ಅಧಿಕೃತವಾಗಿ ನಿಮ್ಮ ಹೊಲ ಅಷ್ಟೇ ಇರುತ್ತದೆ. ಕಬ್ಜಾ ಅಥವಾ ಸ್ವಾಧೀನದಾರರ ಹೆಸರು ತಂದೆಯಹೆಸರು ಇರುತ್ತದೆ. ಜಮೀನು ಯಾರು ಯಾರಿಗೆ ಎಷ್ಟು ಎಕರೆಯಲ್ಲಿ ವಿಂಗಡನೆಯಾಗಿದೆ. ಹಾಗೂ ಜಂಟಿಯಾಗಿದೆಯೋ ಅಥವಾ ಪ್ರತ್ಯೇಕವಾಗಿ ಅವರವರ ಹೆಸರಿಗಿದೆಯೋ ಎಂಬುದು ಸಹ ಇಲ್ಲಿ ಕಾಣಸಿಗುತ್ತದೆ. ಇದೇ ರೀತಿ ನೀವು ಯಾವ ವರ್ಷದ ಪಹಣಿ ನೋಡಬೇಕೆಂದುಕೊಂಡಿದ್ದೀರೋ ಆ ವರ್ಷ ಆಯ್ಕೆ ಮಾಡಿಕೊಳ್ಳಬೇಕು.

• ಇದನ್ನು ಕೇವಲ ನೋಡುವುದಕ್ಕಾಗಿ ಮಾಡಲಾಗಿದೆ. ಡೌನ್ಲೋಡ್ ಮಾಡಬೇಕಾದರೆ ಪಹಣಿ ಶುಲ್ಕ ಪಾವತಿಸಿ ಓರಿಜಿನಲ್ ಪಹಣಿ ಡೌನ್ಲೋಡ್ ಮಾಡಿಕೊಳ್ಳಬಹುದು. ರೈತರಿಗೆ ಅನುಕೂಲವಾಗಲೆಂದು ಸರ್ಕಾರವು ಈ ವ್ಯವಸ್ಥೆ ಮಾಡಿದೆ.
• ನೀವು ನೀಡಿದ ಮಾಹಿತಿಯು ಸರಿಯಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನೀವು RTC ಅಥವಾ ಪಹಣಿಯನ್ನು ನೋಡಬಹುದು. ಇಲ್ಲವಾದರೆ ನೀವು ಡೈರೆಕ್ಟಾಗಿ ಪಹಣಿಯನ್ನು ನಿಗದಿ ಪಡಿಸಿದ ಹಣವನ್ನು ಪಾವತಿಸಿ ನಿಮ್ಮ ಹೊಲದ ಪಹಣಿಯ ಪ್ರಿಂಟ್ ಪಡೆಯಬಹುದು.
• ನೀವು ನಿಗದಿ ಪಡಿಸಿದ ಹಣವನ್ನು ಪಾವತಿ ಮಾಡದೆ ವೀಕ್ಷಣೆ ಮಾಡಿದ ಪಹಣಿಯ ಪ್ರಿಂಟ್ ಪಡೆದರೆ ಅದರ ಉಪಯೋಗ ಬರುವುದಿಲ್ಲ. ಏಕೆಂದರೆ ಅಂತಹ ಪಹಣಿಯಲ್ಲಿ ಅಥವಾ RTC ಯಲ್ಲಿ ವೀಕ್ಷಣೆಗಾಗಿ ಮಾತ್ರ ಎಂಬುದಾಗಿ ನಮೂದಿಸುವುದರಿಂದ ಅಂತಹ ಪಹಣಿಯು ಯಾವುದೇ ಕೆಲಸಕ್ಕೂ ಉಪಯೋಗ ಬರುವುದಿಲ್ಲ. ಸರ್ಕಾರಿ ಕೆಲಸಕ್ಕೆ ಈ ರೀತಿಯ ಪಾಣೆಯು ಮಹಜರು ಆಗುವುದಿಲ್ಲ.
• ವೆಬ್ಸೈಟ್ ನಿಗದಿ ಪಡಿಸಿದ ಹಣವನ್ನು ಪಾವತಿ ಮಾಡದೆ ಪಡೆದ ಪಹಣಿಯನ್ನು ಅಥವಾ RTC ಯನ್ನು, ನೀವು ಸರ್ಕಾರದಿಂದ ಯಾವುದೇ ಸಹಾಯಧನವನ್ನು ಅಥವಾ ಸಾಲ ಸೌಲಭ್ಯಗಳನ್ನು ಪಡೆಯಲು ಈ ಉತಾರಿ ಅಥವಾ ಪಹಣಿಯನ್ನು ಸಲ್ಲಿಸಲು ಬರುವುದಿಲ್ಲ