ಕುರಿ : ಪಶುಸಂಗೋಪನೆಯಲ್ಲಿ ತೊಡಗಿರುವ ಜನರಿಗೆ ಇದು ಒಳ್ಳೆಯ ಸುದ್ದಿಯಾಗಬಹುದು.ದಿನದಿಂದ ದಿನಕ್ಕೆ ಕರ್ನಾಟಕ ಸರ್ಕಾರವು ರಾಜ್ಯದ ಒಟ್ಟಾರೆ ಅಭಿವೃದ್ಧಿಯ ಜೊತೆಗೆ ಆರ್ಥಿಕ ಬೆಂಬಲವನ್ನು ನೀಡುವ ಮೂಲಕ ಆರ್ಥಿಕ ಅಭಿವೃದ್ಧಿಯತ್ತ ಗಮನ ಹರಿಸುತ್ತಿದೆ.

ನಾವು ಈಗಾಗಲೇ ಪ್ರಸ್ತುತ ರಾಜ್ಯದಾದ್ಯಂತ ನಿರುದ್ಯೋಗ ಹೆಚ್ಚಳವನ್ನು ನೋಡುತ್ತಿದ್ದೇವೆ ಆದರಿಂದ ನಿರುದ್ಯೋಗ ದರವನ್ನು ಕಡಿಮೆ ಮಾಡಲು ಕರ್ನಾಟಕ ಸರ್ಕಾರವು ಈಗಾಗಲೇ ನಿರುದ್ಯೋಗಿ ಯುವಕರು ಮತ್ತು ಯುವತಿಯರಿಗೆ, ಗೃಹಿಣಿಯರಿಗೆ ಹಣವನ್ನು ಒದಗಿಸುವ ಮೂಲಕ ಪ್ರಯತ್ನಗಳನ್ನು ಮಾಡುತ್ತಿದೆ ಮತ್ತು ಬಡ ರೈತರನ್ನು ಪ್ರೋತ್ಸಾಹಿಸಲು, ಕೃಷಿ ಚಟುವಟಿಕೆ ಮತ್ತು ಪಶುಸಂಗೋಪನೆಯಲ್ಲಿ ತೊಡಗಿರುವವರಿಗೆ ವಿಶೇಷ ಆರ್ಥಿಕ ಬೆಂಬಲವನ್ನು ನೀಡಲಾಗುತ್ತಿದೆ.

ಗ್ರಾಮೀಣ ರೈತರು ಮತ್ತು ಹೈನುಗಾರರು ಮೇಕೆ, ಕುರಿ ಮತ್ತು ದನಗಳನ್ನು ಸಾಕಲು ಸಹಾಯ ಮಾಡುವ ಮತ್ತು ಆರ್ಥಿಕ ನೆರವು ನೀಡುವ ಉದ್ದೇಶದಿಂದ, ರಾಜ್ಯ ಸರ್ಕಾರವು 5 ಲಕ್ಷ ರೂಪಾಯಿಗಳ ಸಹಾಯ ಧನವನ್ನು ನೀಡುವ ಕಾರ್ಯಕ್ರಮವನ್ನು ಜಾರಿಗೆ ತಂದಿದೆ.
ಈ ಕಾರ್ಯಕ್ರಮದ ಅಡಿಯಲ್ಲಿ ಪ್ರಾಣಿಗಳಿಗೆ ಆಶ್ರಯ ಒದಗಿಸಲು ಶೆಡ್‌ಗಳನ್ನು ನಿರ್ಮಿಸುವುದು, ವಿಮಾ ರಕ್ಷಣೆ ಮತ್ತು ವೈಜ್ನಾನಿಕ ತರಬೇತಿ ಸೌಲಭ್ಯಗಳು ಮುಂತಾದ ಕ್ರಮಗಳನ್ನು ಒಳಗೊಳ್ಳಲಾಗುತ್ತದೆ.
ಈ ಯೋಜನೆಯಲ್ಲಿ ವಲಸೆ ಕುರಿಗಾರರಿಗೆ 5 ಲಕ್ಷ ವಿಮಾ ಪರಿಹಾರ, ಪಶು ಅಕಾಲಿಕ ಮರಣದ ಸಂದಭ೯ದಲ್ಲಿ 3500 ರೂಪಾಯಿಂದ ಹಿಡಿದು 5000 ರೂಪಾಯಿಗಳ ವರೆಗೆ ನೆರವು ಉಚಿತ ತರಬೇತಿ ಮತ್ತು ವೈದ್ಯಕಿಯ ಸಹಾಯ, ಉಚಿತ ಲಸಿಕೆಗಳು, ಜಂತುನಾಶಕ ಔಷಧಿಗಳು ಮತ್ತು ತೂಕ ಮಾಪನ ಯಂತ್ರಗಳ ವಿತರಣೆ ಈ ಎಲ್ಲಾ ಚಟುವಟಿಕೆಗಳು ಈ ಯೋಜನೆಯಲ್ಲಿ ನೆರವೇರುತ್ತವೆ.

ಯೋಜನೆಯ ವಿಶೇಷ ಕಾರ್ಯಗಳು :

• ಹಿಂದುಳಿದ ವರ್ಗಗಳಿಗೆ 10 ಕುರಿ ಮೇಕೆಗಳು ಸಿಗುತ್ತವೆ ಜೊತೆಗೆ ಒಂದು ಘಟಕ ಯೋಜನೆ.
• ಹಿಂದುಳಿದ ವರ್ಗಗಳಿಗೆ 10 ಕುರಿ ಮೇಕೆಗಳ ಜೊತೆಗೆ ಒಂದು ಟಗರು ಉಚಿತ.
• ಅಮೃತ ಸ್ವಾಭಿಮಾನಿ ಯೋಜನೆಯ ಪ್ರಕಾರ 20 ಕುರಿ ಮತ್ತು ಒಂದು ಟಗರು ಘಟಕ್ಕೆ 1.75 ಲಕ್ಷ ಸಹಾಯ ಧನ ನಿಡಲಾಗುತ್ತದೆ.
• ಈ ಯೋಜನೆಯ ಸಹಾಯದಿಂದ ಪರ ಪ್ರದೇಶಗಳ ರೈತರಿಗೆ ಹೆಚ್ಚಿನ ಆದಾಯ ಮತ್ತು ಪಶುಗಳ ಆರೋಗ್ಯ ಮತ್ತು ಉತ್ಪಾದಕತೆಯಲ್ಲಿ ಸುಧಾರಣೆ ಬರುತ್ತದೆ.

ಈ ಯೋಜನೆಯ ಸಹಾಯ ಪಡೆಯಲು ಬೇಕಾದ ಅಹ೯ತೆ ಹಾಗೂ ದಾಖಲಾತಿಗಳು :

• ಅರ್ಹತೆ ಹೊಂದಿರುವ ಗ್ರಾಮೀಣ ರೈತರು, ಬುಡಕಟ್ಟು ಜನಾಂಗದವರು ಮತ್ತು ಸಣ್ಣ ಹಿಡುವಳಿದಾರರು ಕೃಷಿ ಚಟುವಟಿಕೆಗಳು ಮತ್ತು ಹೈನುಗಾರಿಕೆಯಲ್ಲಿ ತೊಡಗಿರುವವರು karnataka.govt.in ವೆಬ್‌ಸೈಟ್‌ಗೆ ಭೇಟಿ ನೀಡಿ ತಮ್ಮ ಎಲ್ಲಾ ದಾಖಲೆಗಳನ್ನು ಆನ್‌ಲೈನ್‌ ಮೂಲಕ ಅಪ್‌ಲೋಡ್ ಮಾಡಬೇಕು.
• ಅಗತ್ಯವಿರುವ ದಾಖಲೆಗಳು ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್, ಬ್ಯಾಂಕ್ ಖಾತೆ ವಿವರಗಳು, ಬ್ಯಾಂಕ್ ಪಾಸ್‌ಬುಕ್, ಆದಾಯ ಮತ್ತು ಜಾತಿ ಪ್ರಮಾಣಪತ್ರ ಜೊತೆಗೆ ಜಮಿನು ದಾಖಲೆಗಳು ಮತ್ತು ಪಶುಸಂಗೋಪನಾ ದಾಖಲೆಗಳು. ಈ ಎಲ್ಲಾ ದಾಖಲೆಗಳನ್ನು ಆನ್‌ಲೈನ್‌ ಮೂಲಕ ಮಾತ್ರ ಅಪ್‌ಲೋಡ್ ಮಾಡಬೇಕು.
• ಅಭ್ಯರ್ಥಿಯು ಸಾಕುತ್ತಿರುವ ಕುರಿ ಮೇಕೆ ಮತ್ತು ದನಗಳ ಸಂಖ್ಯೆಯನ್ನು ಮೇಲ್ವಿಚಾರಣೆ ಮಾಡಲು, ಅವನು/ಅವಳು ಪ್ರಾಣಿಗಳ ಜೊತೆಗೆ ನಿಂತು ತನ್ನ ಛಾಯಾಚಿತ್ರವನ್ನು ಸಲ್ಲಿಸಬೇಕು.
• ದಾಖಲಾತಿಗಳನ್ನು ಅಪ್ಲೋಡ್ ಮಾಡಿದ 21 ದಿನಗಳಲ್ಲಿಯೇ ದುಡ್ಡು ನಿಮ್ಮ ಬ್ಯಾಂಕ್ ಖಾತೆಗೆ ಸೆರುತ್ತದೆ.
• ಈ ಯೋಜನೆಯನ್ನು ಬಳಸಲು ಇಚ್ಛಿಸುವ ಅಭ್ಯರ್ಥಿಯು ಯಾವುದೇ ರಾಜ್ಯ ಅಥವಾ ಕೇಂದ್ರ ಸರ್ಕಾರಿ ಉದ್ಯೋಗಿಯಾಗಿರಬಾರದು.

ಗ್ರಾಮೀಣಾಭಿವೃದ್ಧಿ, ನಿರುದ್ಯೋಗ ಕಡಿಮೆ ಮಾಡುವುದು ಮತ್ತು ದೇಶದ ಆರ್ಥಿಕ ಸ್ಥಿತಿಯನ್ನು ಪ್ರಮಾಣೀಕರಿಸುವ ಉದ್ದೇಶದಿಂದ ಸರ್ಕಾರವು ಈ ಯೋಜನೆಯನ್ನು ಏರ್ಪಡಿಸಿದೆ. ಅಷ್ಟೇ ಅಲ್ಲದೆ ಗ್ರಾಮೀಣಾಭಿವೃದ್ಧಿಯು ರಾಜ್ಯದ ಒಟ್ಟಾರೆ ಅಭಿವೃದ್ಧಿಗೆ ಕಾರಣವಾಗಬಹುದು ಎಂಬುದನ್ನು ತಿಳಿದುಕೊಂಡು, ಮೇಲೆ ತಿಳಿಸಲಾದ ಎಲ್ಲಾ ಸೂಚನೆಗಳನ್ನು ಗಮನದಲ್ಲಿ ಇಟ್ಟುಕೊಂಡು ಈ ಕಾರ್ಯಕ್ರಮಕ್ಕೆ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು.