ಗೊಣ್ಣೆಹುಳು : ಪ್ರೀಯ ರೈತರೇ ಜೂನ್ ತಿಂಗಳಲ್ಲಿ ಹೆಚ್ಚಿದ ಕಬ್ಬಿಗೆ ಗೊಣ್ಣೆಹುಳುವಿನ ಸಮಸ್ಯೆ ಎದುರಾಗುತ್ತದೆ. ಕಡಿಮೆ ತೇವಾಂಶ ಹಾಗೂ ಮಳೆ ಬಾರದೆ ಇದ್ದರೆ ಕಬ್ಬಿನಲ್ಲಿ ಗೊಣ್ಣೆಹುಳು ಕಾಟ ತಪ್ಪಿದ್ದಲ್ಲ. ಅದೇ ರೀತಿ ಇದರ ನಿರ್ವಹಣೆ ಕೂಡ ಅಷ್ಟೇ ಕಷ್ಟವಾಗಿದೆ. ಅದೇ ರೀತಿ ರೈತರು ಸಹ ಹಲವಾರು ಸಮಸ್ಯೆಗಳನ್ನು ಇದರ ಬಗ್ಗೆ ಪರಿಹಾರ ಇನ್ನೂ ಕಂಡುಕೊಂಡಿಲ್ಲ. ರೈತರು ಕೂಡಲೇ ಇದರ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದು ಅದರ ನಿಯಂತ್ರಣ ಬಗ್ಗೆ ತಲೆಕೆಡಿಸಿಕೊಳ್ಳುವುದು ಅಗತ್ಯವಿದೆ. ಹಾಗಾದರೆ ಬನ್ನಿ ಗೊಣ್ಣೆಹುಳುವಿನ ಸಮಗ್ರ ನಿರ್ವಹಣೆ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿಯೋಣ.

ಕಬ್ಬು ನಮ್ಮ ದೇಶ ಹಾಗೂ ರಾಜ್ಯದ ಆರ್ಥಿಕ ಮತ್ತು ಕಾರ್ಖಾನೆ ಆಧಾರಿತ ವಾಣಿಜ್ಯ ಬೆಳೆಯಾಗಿದ್ದು ದೇಶದ ಅರ್ಥವ್ಯವಸ್ಥೆಗೆ ಇದರ ಕೊಡುಗೆ ಅಪಾರ. ಬೆಳೆಯ ಕಾಲಾವಧಿ 12 ರಿಂದ 18 ತಿಂಗಳು. ಕುಳೆ(Ratoon) ಬೆಳೆಯನ್ನು ಸೇರಿಸಿ ಒಟ್ಟು 3-4 ವರ್ಷಗಳ ಕಾಲ ಭೂಮಿಯಲ್ಲಿ ಇರುವಂತಹ ಬೆಳೆ ಇದಾಗಿದ್ದು ಸುಮಾರು 228 ಕ್ಕೂ ಹೆಚ್ಚು ಪೀಡೆಗಳು ಕಂಡುಬರುತ್ತವೆ. ಇದರಲ್ಲಿ 20 ಕ್ಕೂ ಹೆಚ್ಚು ಕೀಟಗಳು ನಮ್ಮ ದೇಶದಲ್ಲಿ ಬಾಧಿಸುತ್ತವೆ. ಇವುಗಳಿಂದ ಸುಮಾರು 20% ಕಬ್ಬಿನ ಇಳುವರಿ ಹಾಗೂ 15% ಸಕ್ಕರೆ ಇಳುವರಿ ಕಡಿಮೆಯಾಗಿದ್ದು ಕಂಡು ಬಂದಿದೆ. ಕೀಟಗಳ ಬಾಧೆ ಹಾಗೂ ಅವುಗಳ ಸಮರ್ಪಕ ನಿರ್ವಹಣೆ ಮಾಡದೆ ಇರುವುದು ಈ ಪ್ರಮಾಣದ ನಷ್ಟಕ್ಕೆ ಕಾರಣವಾಗಿದೆ.

ಕಬ್ಬಿನ ಪ್ರಮುಖ ಕೀಟಗಳೆಂದರೆ ಸಸಿ ಕೊರೆಯುವ ಕೀಟ, ಗಣಿಕೆ ಕೊರೆಯುವ ಹುಳು, ಬಿಳಿ ಉಣ್ಣೆ ಹೇನು(wooly aphids), ಹಿಟ್ಟು ತಿಗಣೆ, ಗೆದ್ದಲು (termides)ಹಾಗೂ ಗೊಣ್ಣೆ ಹುಳು. ಈ ಎಲ್ಲ ಕೀಟಗಳು ಕಬ್ಬಿನ ಇಳುವರಿ ಮೇಲೆ ಪರಿಣಾಮ ಬೀರುತ್ತವೆ. ಕಬ್ಬಿನ ಕೀಟಗಳ ನಿರ್ವಹಣೆಯಲ್ಲಿ ರಾಸಾಯನಿಕ ಕೀಟನಾಶಕಗಳ ಬಳಕೆ ಇತರೆ ಬೆಳೆಗಳಿಗೆ ಹೋಲಿಸಿದರೆ ಕಡಿಮೆ. ಮತ್ತು ಎಲ್ಲಾ ಹಂತದಲ್ಲಿ ಎಲ್ಲಾ ಕೀಟಗಳನ್ನು ನಿಯಂತ್ರಿಸಲು ರಾಸಾಯನಿಕ ಕೀಟನಾಶಕಗಳನ್ನು ಬಳಸುವುದು ಅಸಾಧ್ಯ. ಆದ್ದರಿಂದ ಸಮಗ್ರ ಕೀಟ ನಿರ್ವಹಣಾ ಪದ್ಧತಿಗಳನ್ನು ಅನುಸರಿಸಬೇಕಾಗುತ್ತದೆ.

ವರ್ಮ್( ಬೇರು ತಿನ್ನುವ ಹುಳ) ಕೀಟಗಳ ಪರಿಚಯ –

ಗೊಣ್ಣೆಹುಳು ರಾಷ್ಟ್ರೀಯ ಪ್ರಾಮುಖ್ಯತೆ ಪಡೆದ ಕೆಲವು ಕೀಟಗಳಲ್ಲಿ ಒಂದಾಗಿದ್ದು ಇದೊಂದು ಬಹುಭಕ್ಷಕ. ದುಂಬಿ ಮತ್ತು ಮರಿ ಎರಡೂ ಹಂತದಲ್ಲಿ ಕೃಷಿ ಮತ್ತು ತೋಟಗಾರಿಕೆ ಬೆಳೆಗಳಿಗೆ ಹೆಚ್ಚಿನ ಹಾನಿ ಉಂಟು ಮಾಡುತ್ತವೆ. ದುಂಬಿಗಳು(coleaptera) ಮುಖ್ಯವಾಗಿ ವಾರ್ಷಿಕ ತೋಟಗಾರಿಕೆ ಮತ್ತು ವನ್ಯ ಮರಗಳ ಎಲೆಗಳನ್ನು ತಿನ್ನುತ್ತವೆ. ಮರಿಗಳು ಪ್ರಮುಖವಾಗಿ ಬೇರುಗಳನ್ನು, ಕೊಳೆತ ಪದಾರ್ಥವನ್ನು ತಿಂದು ಬದುಕುತ್ತವೆ. ಇದರಿಂದ ಬೆಳೆ ಬಾಡಿದಂತಾಗಿ ಒಣಗಲು ಪ್ರಾರಂಭಿಸುತ್ತದೆ. ಹಾನಿಗೊಳಗಾದ ಸಸ್ಯಗಳನ್ನು ಎಳೆದಾಗ ಅವು ಸುಲಭವಾಗಿ ಕಿತ್ತು ಬರುತ್ತವೆ.

ಗೊಣ್ಣೆ ಹುಳು (ಹೊಲೋಟ್ರೈಕಿಯ ಸೆರೆಟಾ) ಕಬ್ಬಿನ ಮುಖ್ಯ ಕೀಟ. ಇದು ಕಬ್ಬಿನಲ್ಲಿ ಶೇಕಡಾ 40 ರಿಂದ 80 ರಷ್ಟು ಹಾನಿಯುಂಟುಮಾಡಬಲ್ಲದು. ಇದು ಕಬ್ಬನ್ನು ಹೊರತು ಪಡಿಸಿ ಹಲವಾರು ಮುಂಗಾರು ಹಾಗೂ ಹಿಂಗಾರು ಬೆಳೆಗಳನ್ನು ಸಹ ನಾಶಪಡಿಸುತ್ತದೆ. ಉತ್ತರ ಕರ್ನಾಟಕದ ಸಕ್ಕರೆ ಕಣಜ ಎಂದೇ ಹೆಸರಾಗಿರುವ ಬೆಳಗಾವಿ ಹಾಗೂ ಬಾಗಲಕೋಟೆಯಲ್ಲಿ ಸುಮಾರು 3000 ಹೆಕ್ಟೇರ್ ಗಿಂತ ಹೆಚ್ಚಿನ ಕಬ್ಬು ಬೆಳೆ ಪ್ರದೇಶದಲ್ಲಿ ಈ ಹುಳುವಿನ ಬಾಧೆ ತೀವ್ರವಾಗಿದೆ. ಗೊಣ್ಣೆ ಹಳುವಿನ ಬಾಧೆ ಜೂನ್ ಆಗಸ್ಟ್ ತಿಂಗಳಲ್ಲಿ ತೀವ್ರವಾಗಿರುತ್ತದೆ. ತೇವಾಂಶದ ಕೊರತೆ ಅಥವಾ ಬರ ಪೀಡಿತವಾದರೆ ಬಾಧೆ ವಿಪರೀತವಾಗಿ ಶೇಕಡಾ 80-100 ರಷ್ಟು ಹಾನಿಯಾಗುವ ಸಾಧ್ಯತೆ ಇರುತ್ತದೆ.

ಜೀವನ ಚರಿತ್ರೆ –

ಗೊಣ್ಣೆ ಹುಳು ವರ್ಷಕ್ಕೆ ಒಂದು ಬಾರಿ ಜೀವನ ಚಕ್ರವನ್ನು ಮುಗಿಸುತ್ತದೆ. ಸಾಮಾನ್ಯವಾಗಿ ದುಂಬಿಗಳು ಮಳೆಯಾಶ್ರಿತ ಪ್ರದೇಶಗಳಲ್ಲಿ ವರ್ಷದ ಮೊದಲ ಮಳೆಯಾದಾಗ ಎಪ್ರಿಲ್ – ಮೇ ತಿಂಗಳಲ್ಲಿ ಮತ್ತು ನೀರಾವರಿ ಪ್ರದೇಶಗಳಲ್ಲಿ ಫೆಬ್ರವರಿ – ಎಪ್ರಿಲ್ ತಿಂಗಳಲ್ಲಿ ರಾತ್ರಿ ಸಮಯ ಭೂಮಿಯಿಂದ ಹೊರಬಂದು ಹತ್ತಿರದಲ್ಲಿ ಇರುವ ಬೇವು, ಚೊಗಚೆ, ಜಾಲಿ, ಹುಣಸೆ, ನೇರಳೆ ಹೀಗೆ ಮುಂತಾದ ಗಿಡಗಳ ಎಲೆಗಳನ್ನು ತಿನ್ನುತ್ತವೆ. ಈ ಸಮಯದಲ್ಲಿ ಗಂಡು ಮತ್ತು ಹೆಣ್ಣು ದುಂಬಿಗಳು ಸಂಪರ್ಕ ಹೊಂದಿ ಮಣ್ಣಿನ ಒಳಗೆ ಸೇರಿ ಸುಮಾರು 8-10 ಸೆಂಟಿಮೀಟರ್ ಆಳದಲ್ಲಿ ಮೊಟ್ಟೆ ಇಡುತ್ತದೆ.

ನಿಯಂತ್ರಣ ಮಾಡುವುದು ಹೇಗೆ?

ಏಪ್ರೀಲ-ಮೇ ತಿಂಗಳ ಅವಧಿಯಲ್ಲಿ ಕೀಟದ ಚಟುವಟಿಕೆಗಳ ಅನುಸಾರವಾಗಿ ಸಾಯಂಕಾಲ ಆಂದೋಲನಗಳನ್ನು ಏರ್ಪಡಿಸಬೇಕು. ಇದಲ್ಲದೆ ಆಕರ್ಷಕ ಬೆಳೆಯಾದ ಈರುಳ್ಳಿಯನ್ನು ಮೇ-ಜೂನ್ ತಿಂಗಳ ಅವಧಿಯಲ್ಲಿ ಬೆಳೆಗಳ ಮಧ್ಯದಲ್ಲಿ ಬೆಳೆಯುವದರಿಂದ ಮುಖ್ಯ ಬೆಳೆಗಾಗುವ ಬಾಧೆಯನ್ನು ತಕ್ಕ ಮಟ್ಟಿಗೆ ಕಡಿಮೆ ಮಾಡಬಹುದು. ಜೂನ್ ತಿಂಗಳಲ್ಲಿ – ಜೈವಿಕ ಕ್ರಮವಾಗಿ ಮೆಟರೈಜಿಯಂ ಅನಿಸೋಫಿಲಿಯ ಶಿಲಿಂಧ್ರವನ್ನು ಪ್ರತಿ ಎಕರೆಗೆ 5-10 ಕಿ.ಗ್ರಾಂ (ಬಾಧೆಗನುಸಾರವಾಗಿ) 250-500 ಕಿಗ್ರಾಂ ಕೊಟ್ಟಿಗೆ ಗೊಬ್ಬರದೊಂದಿಗೆ ಮಿಶ್ರಣ ಮಾಡಿ ಬೆಳೆಯ ಸಾಲಿನಲ್ಲಿ ಹಾಕಿ ನಿಯಂತ್ರಣ ಮಾಡುವುದು ಸೂಕ್ತ.

ಭೂಮಿಯಿಂದ ಹೊರಬರುವ ದುಂಬಿ

ಫೆಬ್ರುವರಿ ತಿಂಗಳಲ್ಲಿ ಸಾಯಂಕಾಲ ಭೂಮಿಯಿಂದ ಹೊರಬರುವ ದುಂಬಿಗಳನ್ನು ಆತ ಸಸ್ಯ/ಮರಗಳಾದ (neem)ಬೇವು, ಹುಣಸೆ(tamarind) ಜಾತಿ ಇತ್ಯಾದಿ ಮರಗಳ ಹತ್ತಿರ ಪೆಟ್ರೋಮ್ಯಾಕ್ಸ್/ದೀಪಾಕರ್ಷಣೆ ಸಾಮೂಹಿಕ ಕ್ರಮವಾಗಿ ಮಾಡಿ ದುಂಬಿಗಳನ್ನು ನಾಶಪಡಿಸಿ, ಫೆಬ್ರುವರಿಯಿಂದ ಮಾರ್ಚಿ ತಿಂಗಳವರೆಗೆ ಕೀಟದ ಚಟುವಟಿಕೆಗಳ ಅನುಸಾರವಾಗಿ ಸಾಯಂಕಾಲ ಆಂದೋಲನಗಳನ್ನು ಏರ್ಪಡಿಸಬೇಕು. ಪೆಬ್ರುವರಿ 15 ನೇ ತಾರೀಖಿನಿಂದ ಮಾರ್ಚ 1 ಒಳಗೆ ಸಂಯುಕ್ತ ರಾಸಾಯನಿಕ – (Imdidachlophrid) ಇಮಿಡಾಕ್ಲೋಪ್ರಿಡ್ – ಫಿಪ್ರೋನಿಲ್(Fipronil) – 80 ಡಬ್ಲೂ. ಜಿ. 150 ಗ್ರಾಂ ಪ್ರಮಾಣದಲ್ಲಿ ಕಬ್ಬಿನ ಸಾಲುಗಳಲ್ಲಿ ದ್ರಾವಣ ರೂಪದಲ್ಲಿ ಉಣಿಸರಿ.

ಮಾರ್ಚ ತಿಂಗಳಲ್ಲಿ ಬೇವು ಮತ್ತು ಹುಣಸೆಯಂತಹ ಮರಗಳು ಹತ್ತಿರದಲ್ಲಿ ಇಲ್ಲದಿದ್ದಲ್ಲಿ ಅಲ್ಲಲ್ಲಿ 4-6 ಆಡಿ ಎತ್ತರವುಳ್ಳ ಬೇವಿನ ರೆಂಬೆಗಳನ್ನು ನೆಟ್ಟು ಅವುಗಳ ಮೇಲೆ ದುಂಬಿಗಳು ಆಶ್ರಯಿಸಿದ ನಂತರ (Monochrotophos) ಮಾನೊಕ್ರೋಟೊಫಾಸ್ 36 ಎಸ್.ಎಲ್. 7 1 ಮಿ.ಲೀ ಅಥವಾ ಕ್ವಿನಾಲ್ ಫಾಸ್‌(Quniolphos) 25 ಇ.ಸಿ ( 2 ಮಿ.ಲೀ. ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. ಹಾಗೂ ಆಕರ್ಷಕ ಬೆಳೆಯಾದ ಈರುಳ್ಳಿಯನ್ನು ಜನೇವರಿ – ಮಾರ್ಚ ತಿಂಗಳ ಅವಧಿಯಲ್ಲಿ ಬೆಳೆಗಳ ಮಧ್ಯದಲ್ಲಿ ಬೆಳೆಯುವದರಿಂದ ಮುಖ್ಯ ಬೆಳೆಗಾಗುವ ಭಾಷೆಯನ್ನು ತಕ್ಕ ಮಟ್ಟಿಗೆ ಕಡಿಮೆ ಮಾಡಬಹುದು.

ಮೇ ಮತ್ತು ಏಪ್ರೀಲ್ ತಿಂಗಳುಗಳಲ್ಲಿ ಜೈವಿಕ(bio) ಕ್ರಮವಾಗಿ ಮೆಟಾರೈಝಿಯಂ ಅನಿಸೋಫಿಲಿಯೇ 1 ಶಿಲೀಂಧ್ರವನ್ನು ಪ್ರತಿ ಎಕರೆಗೆ 5-10 ಕಿ.ಗ್ರಾಂ (ಬಾಧೆಗನುಸಾರವಾಗಿ) 250-500 ಕಿ.ಗ್ರಾಂ, ಕೊಟ್ಟಿಗೆ 1 ಗೊಬ್ಬರದೊಂದಿಗೆ ಮಿಶ್ರಣ ಮಾಡಿ, ಬೆಳೆಯ ಸಾಲಿನಲ್ಲಿ ಹಾಕಿ ನೀರು ಕೊಡಬೇಕು. ಕಪ್ಪು ಅಥವಾ ಆಳವಾದ ಕಪ್ಪು ಮಣ್ಣಿನ ಕ್ಷೇತ್ರಗಳಲ್ಲಿ ಮೇ ತಿಂಗಳಿನಲ್ಲಿ ಸುಮಾರು 2-3 ಗಂಟೆ ನೀರನ್ನು ಕಟ್ಟಿ ನಿಲ್ಲಿಸವುದು ಸೂಕ್ತ.
ಗದ್ದೆಯಲ್ಲಿ ನಿಂತ ಕಬ್ಬಿನ ಬೆಳೆಗೆ ಬೇಸಿಗೆ ಮಳೆ ಬಿದ್ದ ತಕ್ಷಣವೇ ಕಬ್ಬಿನ ಬುಡದ ಸುತ್ತಲೂ ಕ್ಲೋರ್‌ಪೈರಿಫಾಸ್( chlorephyriphos) 20 ಇ.ಸಿ. @ 10 ಮಿ.ಲೀ. ಪ್ರತಿ ಲೀಟರ್ ನೀರಿಗೆ ಬೆರೆಸಿ ಮಿಶ್ರಣವನ್ನು ಭೂಮಿ ನೆನೆಯುವಂತೆ ಹಾಕಬೇಕು.

ಈ ಮಳೆಯಾಶ್ರಿತ ಪ್ರದೇಶಗಳಲ್ಲಿ ನಿಯಂತ್ರಣ ಹೇಗೆ?( Control in irrigation system)

ಗೊಣ್ಣೆಹುಳು ವರ್ಷದ ಮೊದಲ ಮುಂಗಾರು ಮಳೆ ಬಂದ ನಂತರ ಏಪ್ರೀಲ್ ಹಾಗೂ ಮೇ ತಿಂಗಳಲ್ಲಿ ದೀಪದ ಬಲೆಗಳನ್ನು ಅಳವಡಿಸಿ ದುಂಬಿಗಳ ಚಟುವಟಿಕೆಗಳ ಅನುಸಾರವಾಗಿ ಬೆಳೆಗಳಿದ್ದ ಕ್ಷೇತ್ರಗಳಲ್ಲಿ ತಾತ್ಕಾಲಿಕ ನಿರ್ವಹಣಾ ಕ್ರಮವಾಗಿ ಪ್ರತಿ ಎಕರೆಗೆ 8 ಕಿ.ಗ್ರಾಂ, ಫಿಮೋನಿಲ್ 0.3% ಜಿ. ಅಥವಾ ಕೊರ್ಯಾಜಿನ್ (coragen) ೦.5 ಮಿಲಿ ಪ್ರತಿ‌ಲೀಟರ್ ನೀರಿಗೆ, ಅಥವಾ ಫೋರೆಟ್( Porate )5 ಜಿ ಹರಳನ್ನು ಹಸಿ ಮರಳಿನೊಂದಿಗೆ ಮಿಶ್ರಣ ಮಾಡಿ ಕ್ಷೇತ್ರಗಳಲ್ಲಿ ಹರಡಬೇಕು ಈ ಕ್ರಮವನ್ನು ಮೇ-ಜೂನ್ ತಿಂಗಳವರೆಗೆ ಮಾಡುವುದು ಸೂಕ್ತ. ಏಪ್ರೀಲ ತಿಂಗಳಲ್ಲಿ – ಸಾಯಂಕಾಲ ಭೂಮಿಯಿಂದ ಹೊರಬರುವ ದುಂಬಿಗಳನ್ನು (host plant) ಆಶ್ರಿತ ಸಸ್ಯ/ಮರಗಳಾದ ಬೇವು, ಹುಣಸೆ ಜಾತಿಯ ಗಿಡಗಳನ್ನು ನೆಡುವುದು ಸೂಕ್ತ. ಹಾಗೂ ಮರಗಳ ಹತ್ತಿರ ಪೆಟ್ರೋಮ್ಯಾಕ್ಸಿ ದೀಪಾಕರ್ಷಣೆ ( protimaxi lamp) ಮಾಡಿ ದುಂಬಿಗಳನ್ನು ನಾಶಪಡಿಸಿ, ಸಾಮೂಹಿಕ ಕ್ರಮವಾಗಿ ಕೈಕೊಳ್ಳುವುದು.

ನೀರಾವರಿ ಪ್ರದೇಶಗಳಲ್ಲಿ ಮುಖ್ಯವಾಗಿ ಕಬ್ಬಿನ ಕ್ಷೇತ್ರಗಳಲ್ಲಿ ಅನುಸರಿಸಬೇಕಾದ ನಿರ್ವಹಣೆ ಕ್ರಮಗಳು :

• ಮೊದಲಿಗೆ ಜನೇವರಿ ತಿಂಗಳಲ್ಲಿ ಪ್ರತಿ ಎಕರೆಗೆ ಸಂಯುಕ್ತ ಕೀಟನಾಶಕ 150 ಗ್ರಾಂ. ಇಮಿಡಾಕ್ಲೋಪ್ರಿಡ್ (40) + ಫಿಟ್ರೋನಿಲ್‌ (40) 80 ಡಬ್ಲೂ. ಜಿ. ನ್ನು ಮಣ್ಣಿಗೆ (ಬೋಧಿನ ಮೇಲೆ ಪಕ್ಕದಲ್ಲಿ) ಉಣಿಸುವುದು.
• ಫೆಬ್ರುವರಿ ತಿಂಗಳಲ್ಲಿ ದೀಪದ ಬಲೆಗಳನ್ನು ಅಳವಡಿಸಿ ದುಂಬಿಗಳ ಚಟುವಟಿಕೆಗಳ ಅನುಸಾರವಾಗಿ ಬೆಳೆಗಳಿರುವ ಕ್ಷೇತ್ರಗಳಲ್ಲಿ ತಾತ್ಕಾಲಿಕ ನಿರ್ವಹಣಾ ಕ್ರಮವಾಗಿ ಪ್ರತಿ ಎಕರೆಗೆ 8 ಕಿ.ಗ್ರಾಂ, ಫಿಮೋನಿಲ್ 0.3 ಜಿ. ಅಥವಾ ತ್ತೊಲ್ಯಾಂಟಿನಿಲಿಟ್ರೋಲ್ 4 ಜಿ. ಯನ್ನು 5 ಕಿ.ಗ್ರಾಂ ಹಸಿ ಮರಳಿನೊಂದಿಗೆ ಮಿಶ್ರಣ ಮಾಡಿ ಕ್ಷೇತ್ರಗಳಲ್ಲಿ ಹರಡಬೇಕು/ಎರಚಬೇಕು. ಈ ಕ್ರಮವನ್ನು ಮಾರ್ಚ ತಿಂಗಳವರೆಗೆ ಮಾಡುವುದು ಸೂಕ್ತ.