ಪ್ರೀಯ ರೈತರೇ ಇವತ್ತು ನಾವು ನಿಮಗೆ ಈ ವರ್ಷದ ರೈತರ ಜಾತ್ರೆ ಬಗ್ಗೆ ಮಾಹಿತಿ ನೀಡುತ್ತೇನೆ. ರೈತರು ಉನ್ನತ ಮಟ್ಟದ ತಂತ್ರಜ್ಞಾನ ಹಾಗೂ ವಿಜ್ಞಾನ ಅಳವಡಿಕೆಗೆ ಕೃಷಿ ಇಲಾಖೆ ಹಾಗೂ ಕೃಷಿ ವಿಶ್ವವಿದ್ಯಾಲಯಗಳು ಹಲವಾರು ಪರಿಶ್ರಮ ಪಡುತ್ತೀವೆ. ಅದೇ ರೀತಿ ಕೃಷಿ ವಿಶ್ವವಿದ್ಯಾಲಯ ಧಾರವಾಡ ಇವರು ಈ ವರ್ಷದ ಕೃಷಿ ಮೇಳವನ್ನು ಸೆಪ್ಟೆಂಬರ್ 13-15 ವರೆಗೆ ಹಮ್ಮಿಕೊಂಡಿದ್ದಾರೆ. ಅದಕ್ಕಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ರೈತರು ಈ ಕೃಷಿ ಮೇಳಕ್ಕೆ ಭೇಟಿ ನೀಡಬೇಕು.

ಕೃಷಿ ಮೇಳದ ಷರತ್ತು ಮತ್ತು ನಿಬಂಧನೆಗಳು –

* ಪ್ಯಾನ್, ಆಧಾರ ಹಾಗೂ ಜಿಎಸ್‌ಟಿ ಮಾಹಿತಿಗಳನ್ನು (ಝರಾಕ್ಸ್ ಪ್ರತಿಗಳನ್ನು) ಹಾಗೂ ಇತ್ತೀಚಿನ 2 ಭಾವಚಿತ್ರಗಳನ್ನು ನೀಡುವುದು ಕಡ್ಡಾಯವಾಗಿದೆ.
* ಮಳಿಗೆಗಳನ್ನು ಕಾಯ್ದಿರಿಸುವಾಗ ಕೃಷಿ ತಾಂತ್ರಿಕತೆ/ಉತ್ಪನ್ನಗಳನ್ನು ಪ್ರದರ್ಶನ/ಮಾರಾಟ ಮಾಡುವ ಅರ್ಜಿದಾರರಿಗೆ ಆದ್ಯತೆ ನೀಡಲಾಗುವುದು. ತದನಂತರ, ಮಳಿಗೆಗಳು ಲಭ್ಯವಿದ್ದಲ್ಲಿ ಮಾತ್ರ ಇತರರಿಗೆ ಮಳಿಗೆಗಳನ್ನು ಹಂಚಲಾಗುವುದು.
* ಆಧುನಿಕ/ಸುಸಜ್ಜಿತ ಮಳಿಗೆಗಳ ಜಾಗದಲ್ಲಿ ಕೃಷಿಯೇತರ ವಸ್ತುಗಳ ಪ್ರದರ್ಶನ/ಮಾರಾಟಕ್ಕೆ ಮಳಿಗೆಗಳನ್ನು ಲಭ್ಯವಿದ್ದಲ್ಲಿ ಮಾತ್ರ ನೀಡಲಾಗುವುದು.
* ಕೃಷಿಯೇತರ ಉತ್ಪನ್ನಗಳ ಪ್ರದರ್ಶನ/ಮಾರಾಟವನ್ನು ನಿಗದಿಪಸಿಡಿಸಿದ ಸ್ಥಳಗಳಲ್ಲಿ/ಮಳಿಗೆಗಳಲ್ಲಿ ಮಾತ್ರ ಮಾಡತಕ್ಕದ್ದು (ಕೃಷಿ ವಿಶ್ವವಿದ್ಯಾಲಯವು ಜಾಗ ನೀಡಿದಲ್ಲಿ ಮಾತ್ರ).
* ಕೃಷಿ ವಸ್ತು ಪ್ರದರ್ಶನ ಸ್ಥಳದಲ್ಲಿ ಯಾವುದೇ ತರಹದ ವಾಹನಗಳು ಓಡಾಡಲು ಅವಕಾಶವಿಲ್ಲ. ನಿಗದಿಪಡಿಸಿದ ವಾಹನ ನಿಲ್ದಾಣದಲ್ಲಿ ಮಾತ್ರ ಅವುಗಳನ್ನು ನಿಲ್ಲಿಸತಕ್ಕದ್ದು. ಮಳಿಗೆದಾರರು ತಮ್ಮ ವಾಹನಗಳನ್ನು ಬೆಳಿಗ್ಗೆ 7 ಗಂಟೆ ಒಳಗಾಗಿ ತರತಕ್ಕದ್ದು.
* ಬೆಳಿಗ್ಗೆ 7 ಗಂಟೆ ನಂತರ ಬಂದ ವಾಹನಗಳಿಗೆ ಪ್ರವೇಶವಿರುವುದಿಲ್ಲ. ಪ್ರದರ್ಶನಕಾರರು ತಮಗೆ ಹಂಚಿದ ಮಳಿಗೆಗಳನ್ನು ತಾವೇ ಉಪಯೋಗಿಸಬೇಕು ಹಾಗೂ ಯಾವುದೇ ಪರಸ್ಪರ ಬದಲಾವಣೆಗೆ ಅಥವಾ ಮರು ಮಾರಾಟಕ್ಕೆ ಅವಕಾಶವಿಲ್ಲ.
* 10 x 10′ ಮಳಿಗೆಗಳ ಮುಂದೆ ಯಾವುದೇ ವಸ್ತುಗಳನ್ನು/ಗಿಡಗಳನ್ನು ಇತ್ಯಾದಿ ಪ್ರದರ್ಶನಕ್ಕೆ ಇಡಬಾರದು. ಅಂತಹ ಪ್ರದರ್ಶನಕಾರರು 10 x25′ ಮಳಿಗೆಗಳನ್ನು ತೆಗೆದುಕೊಳ್ಳಬೇಕು.
* ಮಳಿಗೆಗಳ ಅಳತೆಗಳಲ್ಲಿ ಅಲ್ಪ ವ್ಯತ್ಯಾಸವಾಗುವ ಸಂಭವವಿರುವುದರಿಂದ, ಮಳಿಗೆಗಳ ಬ್ಯಾನರ್ 1 ಫೂಟ್ ಕಡಿಮೆ ಇರುವಂತೆ ಬ್ಯಾನರ್‌ಗಳನ್ನು ಮುದ್ರಿಸಬೇಕು.

* ಮಳಿಗೆಗಳಲ್ಲಿಡಬೇಕಾದ ಸಾಮಾನುಗಳನ್ನು ದಿನಾಂಕ: 12.09.2025 ರ ರಾತ್ರಿ 10 ಗಂಟೆಯೊಳಗಾಗಿ ತಂದು ಜೋಡಿಸಿಕೊಳ್ಳಬೇಕು.
* ತಮ್ಮ ವಾಹನಗಳನ್ನು ತಕ್ಷಣವೇ ಕಡ್ಡಾಯವಾಗಿ ಅಲ್ಲಿಂದ ಹೊರತೆಗೆಯಬೇಕು. ದಿನಾಂಕ: 13.09.2025 ರ ಬೆಳಿಗ್ಗೆ 6.00 ಗಂಟೆಯ ಮೇಲೆ ಅಲ್ಲಿಯೇ ಇರುವ ವಾಹನಗಳನ್ನು ಟ್ರಾಫಿಕ್ ಪೋಲಿಸರು ಎಳೆದುಕೊಂಡು ಹೋಗುವ ವಿಷಯದ ಬಗ್ಗೆ ಗಮನವಿರಲಿ.
* ಪ್ರತಿ ಮಿತವ್ಯಯ ಮಳಿಗೆ-1 ರಲ್ಲಿ ಮೇಲ್ಗಡೆ ಮಳೆ ನೀರು ಸೋರದಂತೆ ನಿರ್ಮಿಸಿದ ಛಾವಣಿ ಹಾಗೂ ಪಕ್ಕದ ಮಳಿಗೆಗೆ ಬಟ್ಟೆಯ ಸಹಾಯದಿಂದ ಬೇರ್ಪಡಿಸಲಾಗವುದು. ಮಿತವ್ಯಯ ಮಳಿಗೆ-II ಅದರಲ್ಲಿ ಛಾವಣಿ ಹಾಗೂ ಹಿಂದಿನ ಭಾಗ ಜಿಂಕ್ ಶಿಟ್‌ ನಿಂದ ಕಟ್ಟಿ ಬಟ್ಟೆ ಸಹಾಯದಿಂದ ಬೇರ್ಪಡಿಸಲಾಗುವುದು.
* ಪ್ರತಿ ಮಳಿಗೆಗೆ 2 ಪ್ಲಾಸ್ಟಿಕ್ ಕುರ್ಚಿಗಳು, 2 ಟೇಬಲ್‌ಗಳು, 2 ಟ್ಯೂಬ್ ಲೈಟ್ಸ್/ LED ಹಾಗೂ ಒಂದು 5amp ನ ವಿದ್ಯುತ್ ಪಾಯಿಂಟ್‌ನ್ನು ಒದಗಿಸಲಾಗುವುದು.
* ಸುಮಾರು 180′ x 110′ ಅಡಿ ವಿಸ್ತೀರ್ಣದಲ್ಲಿ ಮಳೆ ನೀರು ಸೋರದಂತೆ ನಿರ್ಮಿಸಿದ ಛಾವಣಿ ಒಳಗಡೆ ಸುಸಜ್ಜಿತ ಮಳಿಗೆಗಳು ಇರುತ್ತವೆ. ಫ್ಲೋರ್ ಮ್ಯಾಟ್ಸ್ ಮತ್ತು 400 ವ್ಯಾಟ್‌ನ ಬಲ್ಟ್ ವ್ಯವಸ್ಥೆಯಿದೆ.

* ಪ್ರತಿ 10 x 10 ಆಡಿ ಗಾತ್ರದ ಮಳಿಗೆಗಳಿಗೆ ಸುತ್ತಲು ಮೂರು ಕಡೆ ಪ್ರೈವುಡ್ ಬಳಸಲಾಗುವುದು ಹಾಗೂ ಪ್ರತಿ ಮಳಿಗೆಗೆ 2 ಟ್ಯೂಬ್‌ಲೈಟ್ಸ್/ LED ಒಂದು 5 amps ನ ವಿದ್ಯುತ್ ಪಾಯಿಂಟ್, 2 ಪ್ಲಾಸ್ಟಿಕ್ ಕುರ್ಚಿಗಳು, 2 ಟೇಬಲ್‌ಗಳನ್ನು ಕೊಡಲಾಗುವುದು.
* ಖುಲ್ಲಾ ಜಾಗದಲ್ಲಿ ಕೃಷಿಯಂತ್ರೋಪಕರಣಗಳ ಪ್ರದರ್ಶನ ಮಾಡುವವರು ತಾವೇ ಎಲ್ಲ ವ್ಯವಸ್ಥೆ ಮಾಡಿಕೊಳ್ಳಬೇಕು.
* ಯಾವುದೇ ಹೆಚ್ಚುವರಿ ಸೌಲಭ್ಯಗಳು ಬೇಕಾದಲ್ಲಿ ಪ್ರದರ್ಶನಕಾರರು ನೇರವಾಗಿ ಗುತ್ತಿಗೆದಾರದಿಂದ ಬಾಡಿಗೆ ಆಧಾರದ ಮೇಲೆ ಪಡೆಯತಕ್ಕದ್ದು.
* ಖುಲ್ಲಾ ಜಾಗೆಯಲ್ಲಿ ಹಾಕುವ ಮಳಿಗೆಗಳಿಗೆ ಬೇಕಾಗುವ ವಿದ್ಯುತ್ ಶಕ್ತಿಯ ವ್ಯವಸ್ಥೆಯನ್ನು ನೇರವಾಗಿ ಗುತ್ತಿಗೆದಾರರಿಂದ ಹಣಕೊಟ್ಟು ಪಡೆಯಬೇಕು.
* ಒಂದು ಸಾರಿ ಪಾವತಿಯಾದ ಹಣವನ್ನು ಯಾವುದೇ ಕಾರಣಕ್ಕೂ ಹಿಂತಿರುಗಿಸುವುದಿಲ್ಲ.
* ತಮ್ಮ ತಮ್ಮ ಮಳಿಗೆಗಳಲ್ಲಿನ ವಸ್ತುಗಳ ಸುರಕ್ಷತೆಗೆ ತಾವೇ ಜವಾಬ್ದಾರರು.
* ಮಳಿಗೆಗಳನ್ನು ಪ್ರದರ್ಶನಕಾರರಿಗೆ ಒಂದು ದಿನ ಮುಂಚಿತವಾಗಿ (12.09.2025) ಹಂಚಿಕೆ ಮಾಡಲಾಗುವುದು.

* ಮಳಿಗೆಗಳಲ್ಲಿ ಅಡಿಗೆ ಮಾಡುವುದು, ಮದ್ಯಪಾನ, ಜೂಜಾಡುವುದು ಹಾಗೂ ಯಾವುದೇ ತರಹದ ಕಾನೂನು ಬಾಹಿರ ಚಟುವಟಿಕೆಗಳನ್ನು ನಿಷೇಧಿಲಾಗಿದೆ.
* ಮೈಕ್ ಅಥವಾ ಟಿವಿ ಬಳಕೆ ಮಾಡುವವರು ಪಕ್ಕದವರಿಗೆ ತೊಂದರೆಯಾಗದಂತೆ ಎಚ್ಚರ ವಹಿಸಿಬೇಕು.
* ಅರ್ಜಿಯಲ್ಲಿ ನಮೂದಿಸಿದ ಉತ್ಪನ್ನ/ವಸ್ತುಗಳನ್ನು ಮಾತ್ರ ಮಳಿಗೆಗಳಲ್ಲಿ ಪ್ರದರ್ಶನ/ಮಾರಾಟ ಮಾಡತಕ್ಕದ್ದು.
* ಮಳಿಗೆಗಳಲ್ಲಿ ಅಡಿಗೆ ಮಾಡುವುದು ತಿನ್ನುವ ಪದಾರ್ಥಗಳನ್ನು ತಯಾರಿಸಿ ಮಾರಾಟ ಮಾಡುವುದನ್ನು ನಿಷೇಧಿಸಲಾಗಿದೆ.
* ಆಹಾರ/ಕ್ಯಾಂಟಿನ್ ಮಳಿಗೆಗಳಲ್ಲಿ ಅಂತಹ ವ್ಯವಸ್ಥೆಯನ್ನು ಕಲ್ಪಿಸಿದ್ದು, ಅದಕ್ಕಾಗಿ ಅರ್ಜಿಯನ್ನು ವಿಸ್ತರಣಾ ನಿರ್ದೇಶನಾಲಯದಿಂದ ಪಡೆದು ತದನಂತರ ಅರ್ಜಿಯ ಪ್ರತಿ ಮತ್ತು ರಸಿದಿಯನ್ನು ಸಹ ಸಂಶೋಧನಾ ನಿರ್ದೇಶಕರು ಮತ್ತು ಅಧ್ಯಕ್ಷರು, ಆಹಾರ ಸಮಿತಿ ಇವರಿಗೆ ಸಲ್ಲಿಸಬೇಕು (ದೂರವಾಣಿ ಸಂ. 0836-2214241,0836-2214245)
* ಪ್ರದರ್ಶನಕಾರರ ಯಾವುದೇ ವಸ್ತುಗಳ ಹಾನಿ/ನಷ್ಟಕ್ಕೆ ಕೃಷಿ ವಿಶ್ವವಿದ್ಯಾಲಯವು ಜವಾಬ್ದಾರಿಯಲ್ಲ ಹಾಗೂ ಯಾವುದೇ ತರಹದ ವಿವಾದಕ್ಕೆ ವಿಶ್ವವಿದ್ಯಾಲಯದ ನಿರ್ಧಾರವೇ ಅಂತಿಮವಾಗಿರುತ್ತದೆ.
* ಮಳಿಗೆಗಳಲ್ಲಿ ಸ್ವಚ್ಛತೆಯನ್ನು ಕಾಪಾಡಿರಿ ಹಾಗೂ ಮಳಿಗೆಯಲ್ಲಿ ಕಸದ ಡಬ್ಬಿ ಇಡಬೇಕು. ಪ್ಲಾಸ್ಟಿಕ್ ಮತ್ತು ಇತರ ಕಸವನ್ನು ಹೊರಗೆ ಚೆಲ್ಲುವದನ್ನು ನಿಷೇಧಿಸಲಾಗಿದೆ.

* ಮಳಿಗೆದಾರರಿಗೆ ನೀಡಿದ ಗುರುತಿನ ಕಾರ್ಡನ್ನು / ರಶಿದಿಯನ್ನು ಮಳಿಗೆಗಳಲ್ಲಿ ಸ್ಪಷ್ಟವಾಗಿ ಕಾಣುವಂತೆ ಇಟ್ಟಿರಬೇಕು.
* ಕೃಷಿ ಮೇಳ-2025 ರ ಕಾರ್ಯಕ್ರಮದಲ್ಲಿ ಮಳಿಗೆಗಳನ್ನು ಪಡೆದವರು/ಸಂಸ್ಥೆಯವರು ನಡೆಸುವ ಎಲ್ಲಾ ವಹಿವಾಟುಗಳಿಗೆ ಹಾಗೂ ವ್ಯವಹಾರಗಳಿಗೆ ಅವರೇ ಹೊಣೆಗಾರರಾಗಿದ್ದು, ಈ ವಿಷಯದಲ್ಲಿ ಗ್ರಾಹಕರಿಂದ ಯಾವುದೇ ತಕರಾರು ಬಂದಲ್ಲಿ ಕೃಷಿ ವಿಶ್ವವಿದ್ಯಾಲಯವು
* ಯಾವುದೇ ರೀತಿಯಲ್ಲಿಯೂ ಜವಾಬ್ದಾರಾಗಿರುವುದಿಲ್ಲ. ಅರ್ಜಿದಾರರಿಗೆ ಮಳಿಗೆ ಹಂಚುವ ಅಧಿಕಾರವು ಕೃಷಿ ವಿಶ್ವವಿದ್ಯಾಲಯಕ್ಕೆ ಇದ್ದು ಯಾರು ಈ ಬಗ್ಗೆ ತಕರಾರು ಮಾಡುವಂತಿಲ್ಲ.
* ಪ್ರದರ್ಶನಕಾರರ ಮಳಿಗೆಯಲ್ಲಿ ನೈಸರ್ಗಿಕ ವಿಕೋಪಗಳಿಗೆ (ಮಳೆ ಅಥವಾ ಗಾಳಿಯಿಂದ) ತಮ್ಮ ವಸ್ತುಗಳಿಗೆ ಹಾನಿಯಾದಲ್ಲಿ ಕೃಷಿ ವಿಶ್ವವಿದ್ಯಾಲಯವು ಜವಾಬ್ದಾರಿಯಲ್ಲ.

ಹೆಚ್ಚಿನ ಮಾಹಿತಿಗಾಗಿ ಈ ನಂಬರಿಗೆ ಕರೆ ಮಾಡಿ ನಿಮ್ಮ ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳಿ.0836-2214241, 0836-2214245. ಈ ನಂಬರಿಗೆ ಕರೆ ಮಾಡಿದರೆ ಕೃಷಿ ಮೇಳದ ಬಗ್ಗೆ ನಿಮಗೆ ಇರುವ ಗೊಂದಲ ಬಗ್ಗೆ ಸಂಪೂರ್ಣ ಉತ್ತರ ದೊರಕುತ್ತದೆ.