ಪ್ರೀಯ ಸಾರ್ವಜನಿಕರೇ ಬನ್ನಿ ಇವತ್ತು ನಾವು ಒಂದು ವೈರಸ್ ಜ್ವರದ ಬಗ್ಗೆ ಚರ್ಚೆ ಮಾಡೋಣ. ವೈರಸ್ ಜ್ಜರ ಹೇಗೆ ಹರಡುತ್ತದೆ ಎಂದು ಸಂಪೂರ್ಣ ತಿಳಿಯೋಣ. ಹಾಗೂ ಹಕ್ಕಿ ಜ್ವರದಿಂದ ಹೇಗೆ ಕಾಪಾಡಿಕೊಳ್ಳಬೇಕು ಹಾಗೂ ಅದರಿಂದ ಹೇಗೆ ಪಾರಾಗಬೇಕು ಎಂದು ತಿಳಿಯೋಣ. ವೈಜ್ಞಾನಿಕವಾಗಿ ಹಕ್ಕಿ ಜ್ವರವನ್ನು ಬರ್ಡ್ ಫ್ಲ ಅಥವಾ ಏವಿಯನ್ನ ಇನ್‌ಫ್ಲೋಯೆನ್‌ಜ ಅಥವಾ ಪಕ್ಷಿ ಜ್ವರ ಎಂದೂ ಕರೆಯುತ್ತಾರೆ. ಈ ರೋಗಕ್ಕೆ ಮುಖ್ಯ ಕಾರಣ ಏವಿಯನ್ ಇನ್‌ಫ್ಲಯೆನ್‌ಜ ಎಚ್5ಎನ್1 ಪ್ರಭೇದ. ಅದು ಪಕ್ಷಿಗಳಿಗೆ ಮಾತ್ರವಲ್ಲ, ಮನುಷ್ಯರು ಮತ್ತು ಇತರ ಪ್ರಾಣಿಗಳಲ್ಲಿಯೂ ಕಂಡು ಬರುತ್ತದೆ.
ಗಾಳಿ ಮೂಲಕ ಹರಡುವ ಈ ವೈರಸ್‌ಗಳು ಕುಕ್ಕುಟ ಪಾಲನೆಯಲ್ಲಿ ನಿರತರಾದ ಸಿಬ್ಬಂದಿಯಲ್ಲೂ ಕಾಣಿಸಿಕೊಳ್ಳಬಹುದು. ಹಕ್ಕಿಗಳಿಂದ ಹಕ್ಕಿಗಳಿಗೆ ಹಾಗೂ ಹಕ್ಕಿಗಳಿಂದ ಮನುಷ್ಯರಿಗೆ ಇದು ಹರಡಬಹುದು. ಆದರೆ ಮನುಷ್ಯರಿಂದ ಮನುಷ್ಯರಿಗೆ ಹಕ್ಕಿ ಜ್ವರದ ಸೋಂಕು ಹರಡಿದ ಉದಾಹರಣೆಗಳು ಇಲ್ಲ. ಹೀಗಾಗಿ ಹೆಚ್ಚಿನ ಆತಂಕ ಇಲ್ಲ. ಈ ವೈರಸ್ ಮೊದಲಿಗೆ 1996ರಲ್ಲಿ ಚೀನಾದಲ್ಲಿ ಪತ್ತೆಯಾಗಿದ್ದು ನಂತರ ಜಗತ್ತಿನಾದ್ಯಂತ ಹರಡಿತು ಎನ್ನಲಾಗುತ್ತದೆ. ಮಾನವನಿಗೆ ಈ ಕಾಯಿಲೆ ಹತ್ತಿದ ಪ್ರಪ್ರಥಮ ಪ್ರಕರಣ 1997 ರಲ್ಲಿ ಹಾಂಕಾಂಗ್‌ನಲ್ಲಿ ವರದಿಯಾಗಿದೆ. ನಂತರ 2005-2006 ರಲ್ಲಿ ಈ ಎಚ್5ಎನ್1 ರೋಗಾಣು ಇಲ್ಲಿಯವರೆಗೂ ಏಶಿಯಾ, ಯೂರೋಪ್ ಮತ್ತು ಆಫ್ರಿಕಾ ಪರದೇಶಗಳಲ್ಲಿ ಹಲವು ಜನರನ್ನು ಬಲಿ ತೆಗೆದುಕೊಂಡು ಲಕ್ಷಾಂತರ ಜನರನ್ನು ರೋಗಗ್ರಸ್ಥರನ್ನಾಗಿದೆ.
2008 ರ ಮಾಚ್‌ವರೆಗೆ 48 ದೇಶಗಳಲ್ಲಿ ಜನರಿಗೆ ಹಕ್ಕಿ ಜ್ವರ ತಗುಲಿದೆ. ಭಾರತದಲ್ಲಿ ಈ ಮೊದಲು 2011, 2012, 2013, 2014, 2015, ಮತ್ತು 2016 ರಲ್ಲಿ ಹಕ್ಕಿ ಜ್ವರ ಕೋಳಿಗಳಲ್ಲಿ ಸಾಂಕ್ರಾಮಿಕವಾಗಿ ಸಂಭವಿಸಿದೆ. ಭಾರತದಲ್ಲಿ ಫೆಬ್ರವರಿ 2025 ರಲ್ಲಿ, ಮಹಾರಾಷ್ಟ್ರ, ತೆಲಂಗಾಣ, ಆಂಧ್ರಪ್ರದೇಶ ಮತ್ತು ಕರ್ನಾಟಕ ಸೇರಿದಂತೆ 9 ರಾಜ್ಯದಲ್ಲಿ ಏಕಾಏಕಿ ಸೋಂಕು ಕೋಳಿಗಳಲ್ಲಿ ವರದಿಯಾಗಿದೆ.
ಮೇ, 2016 ರಂದು ಕರ್ನಾಟಕದಲ್ಲಿ ಹೆಚ್ಚು ರೋಗಕಾರಕ ಏವಿಯನ್ ಇನ್‌ಫ್ಲುಯೆನ್‌ಜ (H5N1) ತಳಿ ಸೋಂಕು ಹುಮ್ನಾಬಾದ್ ಪಟ್ಟಣದ ಬಳಿಯ ಮೊಲ್ಕೆರಾ ಗ್ರಾಮದಲ್ಲಿ ಪತ್ತೆಯಾಗಿತ್ತು. ಈಗ ಫೆಬ್ರವರಿ 2025 ರಲ್ಲಿ ಕರ್ನಾಟಕದ ಮೂರು ಜಿಲ್ಲೆಗಳಲ್ಲಿ ಕೋಳಿಗಳಲ್ಲಿ ದೃಢಪಟ್ಟಿದೆ. ಈ ಹಕ್ಕಿ ಜ್ವರ ರೋಗವು ತೀವ್ರ ಸಾಂಕ್ರಾಮಿಕ ಮತ್ತು ಪಕ್ಷಿಗಳಲ್ಲದೆ ಮನುಷ್ಯರಿಗೆ ಕೂಡ ಮಾರಕ ಎನ್ನಲಾಗಿದೆ. ಇದು ಮನುಷ್ಯರಲ್ಲಿ ಕಂಜಂಕ್ಟಿವಿಟಿಸ್, ಉಸಿರಾಟದ ಕಾಯಿಲೆ, ಬಹು ಅಂಗಾಂಗ ವೈಫಲ್ಯ. ಮತ್ತು ಹೆಚ್ಚಿನ ಮರಣ ಪ್ರಮಾಣದೊಂದಿಗೆ ತೀವ್ರವಾದ ವ್ಯವಸ್ಥಿತ ಕಾಯಿಲೆಗೆ ಮಾರಣಾಂತಿಕ ಕಾಯಿಲೆಗೆ ಕಾರಣವಾಗುತ್ತದೆ.
ಇಲ್ಲಿವರೆಗೆ ಭಾರತದಲ್ಲಿ ಎರಡು ಮಾನವ ಪ್ರಕರಣಗಳು ಕಂಡುಬಂದಿವೆ (2016-ಹರಿಯಾಣ ಮತ್ತು 2021ಪಶ್ಚಿಮ ಬಂಗಾಲ). ಪ್ರಸ್ತುತ ಕರ್ನಾಟಕ ರಾಜ್ಯದಲ್ಲಿ ಮಾನವರಲ್ಲಿ ಪಕ್ಷಿ ಜ್ವರದ ಯಾವುದೇ ಪ್ರಕರಣಗಳು ವರದಿಯಾಗಿಲ್ಲವಾದರೂ ಕೂಡ ಜನರಲ್ಲಿ ಇದು ಆತಂಕವನ್ನುಂಟು ಮಾಡಿದೆ. ಜನಸಾಮಾನ್ಯರು ಕೋಳಿಮಾಂಸ ಮತ್ತು ಮೊಟ್ಟೆಗಳನ್ನು ಖರೀದಿಸಲೂ ಕೂಡ ಹೆದರುತ್ತಿದ್ದಾರೆ. ಹೀಗಾಗಿ ಕುಕ್ಕುಟ ಉದ್ಯಮದ ಮಾರುಕಟ್ಟೆ ಕುಸಿದಿದೆ.
ಇಂತಹ ಸಂದರ್ಭದಲ್ಲಿ ಹಕ್ಕಿ ಜ್ವರ ಎಂದರೇನು? ಮನುಷ್ಯರಲ್ಲಿ ಹೇಗೆ ಹರಡುತ್ತದೆ? ಈ ರೋಗದ ಲಕ್ಷಣಗಳು ಏನು?
ಹಕ್ಕಿ ಜ್ವರ ಮಾನವರಲ್ಲಿ ಬರದಂತೆ ತಡೆಯುವ ಕುರಿತು ತಿಳಿದುಕೊಳ್ಳುವುದು ಅಗತ್ಯವಾಗಿದೆ. ಈ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.
ಮನುಷ್ಯರಲ್ಲಿ ಹಕ್ಕಿ ಜ್ವರ ಹೇಗೆ ಹರಡುತ್ತೆ?:
- ಹಕ್ಕಿ ಜ್ವರವು ಸೋಂಕಿತ ಪಕ್ಷಿಗಳು ಅಥವಾ ಅವುಗಳ ಹಿಕ್ಕೆಗಳ ನೇರ ಸಂಪರ್ಕದ ಮೂಲಕ ಹರಡುತ್ತದೆ. ವೈರಸ್ ಸೋಂಕಿಗೆ ಒಳಗಾದ ಹಕ್ಕಿಯ ಮಲ, ಮೂತ್ರ ಸಿಂಬಳ ಮತ್ತು ಉಸಿರು ರೋಗಾಣುಗಳಿಂದ (ವೈರಸ್) ತುಂಬಿರುತ್ತದೆ. ಹಕ್ಕಿ ವಾಸಿಸುವ ಸ್ಥಳ, ಅಲ್ಲಿನ ಗಾಳಿ, ಸಾಕಣೆಗೆ ಬಳಸುವ ಉಪಕರಣ ಎಲ್ಲವೂ ವೈರಸ್‌ಮಯವಾಗಿರುತ್ತವೆ.
- ಅತಿ ಅಪರೂಪವಾಗಿ ಪಕ್ಷಿಗಳ ಕಾಯಿಲೆ ಮಾನವನಿಗೆ ಅಂಟುವುದೂ ಇದೆ. ಹೀಗಾಗಿ ಕೋಳಿ ಫಾರಂನಲ್ಲಿ ಕೆಲಸ ಮಾಡುವವರು, ಕೋಳಿ ಸಾಕಿರುವ ಮನೆಯವರು, ಹಕ್ಕಿ ಜ್ವರಕ್ಕೆ ಸೆರೆಯಾಗುತ್ತಾರೆ. ಪಕ್ಷಿಗಳನ್ನು, ಮೊಟ್ಟೆಯನ್ನು ಮಾರುವವರಿಗೂ, ಕತ್ತರಿಸುವವರಿಗೂ, ಕೋಳಿ ಮಾಂಸದ ಅಡುಗೆ ಮಾಡುವವರಿಗೂ ಹಕ್ಕಿ ಜ್ವರ ಅಂಟುವ ಸಂಭವ ಇರುತ್ತದೆ.
- ರೋಗಾಣುಗಳು ಮುಖ್ಯವಾಗಿ ಉಸಿರಾಡುವ ಗಾಳಿಯೊಂದಿಗೆ ಮಾನವನ ದೇಹ ಸೇರುತ್ತವೆ. ಮನುಷ್ಯನಿಗೆ ಅಂಟಿದ ಸೋಂಕು ಮತ್ತೊಬ್ಬರಿಗೆ ಅಂಟುವುದಿಲ್ಲ. ಹಾಗೇನಾದರೂ ಬೇರೆ ಊರಿಗೆ ಹೋಗುವಾಗಲೂ ಸ್ಯಾನಿಟೈಸರನ್ನು ಬಳಕೆ ಮಾಡುವುದನ್ನು ಮರೆಯಬೇಡಿ.
- ತೆರೆದ ಮಾರುಕಟ್ಟೆ ಅಥವಾ ಹಕ್ಕಿಗಳು ಹೆಚ್ಚಿರುವಂತಹ ಮಾರುಕಟ್ಟೆಯಿಂದ ದೂರವಿರಿ.
- ಸೋಂಕು ತಗುಲಿರುವಂತಹ ಹಕ್ಕಿಯನ್ನು ಸ್ಪರ್ಶಿಸುವುದನ್ನು, ಆದರ ಹಿಕ್ಕಿಗಳು ಮತ್ತು ಹಾಸನ್ನು ಮುಟ್ಟುವುದರಿಂದ ಅಥವಾ ಹಾಸನ್ನು ಅಡುಗೆಗೆ ಬಳಸುವುದರಿಂದ ಸೋಂಕು ಹರಡಬಹುದು. ಹಾಗಾಗಿ ಆದಷ್ಟು ಈ ಸಮಯದಲ್ಲಿ ಸ್ವಚ್ಛತೆ ಬಗ್ಗೆ ಗಮನ ನೀಡಿ.
- ಅಡುಗೆ ಮಾಡುವ ಸ್ಥಳ ಯಾವಾಗಲೂ ಸ್ವಚ್ಛವಾಗಿರಲಿ. ಆಹಾರ ತಿನ್ನುವ ಮೊದಲು ಅಥವಾ ಅದನ್ನು ತಯಾರಿಸುವ ಮೊದಲು ಕೈಗಳನ್ನು ಸರಿಯಾಗಿ ತೊಳೆಯಿರಿ ಸ್ಯಾನಿಟೈಸರನ್ನು ಬಳಸಿ.
- ಸರಿಯಾಗಿ ಬೇಯಿಸಿದೆ ಇರುವ ಕೋಳಿ ಅಥವಾ ಬಾತುಕೋಳಿಯನ್ನು ತಿನ್ನಬೇಡಿ. ಹಸಿ ಮೊಟ್ಟೆಯನ್ನು ಸೇವಿಸಬೇಡಿ. ಮೊಟ್ಟೆ ಮತ್ತು ಕೋಳಿ ಮಾಂಸವನ್ನು ಚೆನ್ನಾಗಿ ಕುದಿಸುವುದರಿಂದಲೂ (700 ಸೆಂಟಿಗ್ರೇಡಗೂ ಅಧಿಕ ಉಷ್ಣಾಂಶದಲ್ಲಿ) ವೈರಸ್‌ಗಳು ಸಾಯುತ್ತವೆ.
- ಹೀಗಾಗಿ ಮಾಂಸಾಹಾರಿಗಳು ಮತ್ತು ಕುಕ್ಕುಟ ಉದ್ಯಮದವರು ಆತಂಕ್ಕೆ ಒಳಗಾಗಬೇಕಾಗಿಲ್ಲ ಮತ್ತು ಬೇಯಿಸಿದ ಕೋಳಿ ಮಾಂಸದ ಸೇವನೆಯಿಂದ ಹಕ್ಕಿ ಜ್ವರ ಬರುವುದಿಲ್ಲ.
- ಪ್ರಸ್ತುತ ಹಕ್ಕಿ ಜ್ವರಕ್ಕೆ ಕಾರಣವಾದ H5N1 ವೈರಸ್, ಹಕ್ಕಿಗಳಿಗೆ ತುಂಬಾ ಮಾರಣಾಂತಿಕ ವೈರಸ್ ಆಗಿದ್ದು. ಮನುಷ್ಯರಿಂದ ಮನುಷ್ಯರಿಗೆ ಸುಲಭವಾಗಿ ಹಬ್ಬುವುದಿಲ್ಲ.
- ಆದಾಗ್ಯೂ H5N1 ಹಕ್ಕಿ ಜ್ವರವು ಮಾನವ ಜ್ವರದ ರೂಪವಾಗಿ ವಿಕಸನಗೊಳ್ಳುವ ಅಥವಾ ರೂಪಾಂತರಗೋಳ್ಳುವ ಸಾಧ್ಯತೆಯಿದೆ.
- ಆದ್ದರಿಂದ, ಹಕ್ಕಿಜ್ವರದ ಬಗ್ಗೆ ಭಯ ಬೇಡ ಆದರೆ ನಿರ್ಲಕ್ಷತೆಯೂ ಸಹ ಬೇಡ. ಆಗಿದ್ದರೆ ಸೋಂಕು ಅತ್ಯಂತ ತೀವ್ರಗತಿಯಲ್ಲಿ ಹರಡಿ ಮನುಷ್ಯರ ಮಾರಣಹೋಮವೇ ನಡೆದುಹೋಗುತ್ತಿತ್ತು.
ಮನುಷ್ಯರಲ್ಲಿ ಹಕ್ಕಿ ಜ್ವರದ ಲಕ್ಷಣಗಳೇನು?
- ಹಕ್ಕಿ ಜ್ವರದ ಸೋಂಕಿಗೆ ಒಳಗಾಗುವ ವ್ಯಕ್ತಿಗಳಲ್ಲಿ 2-3 ದಿನದಲ್ಲಿ ರೋಗ ಲಕ್ಷಣಗಳು ಪ್ರಕಟವಾಗುತ್ತವೆ.
- ಅತಿಯಾದ ಜ್ವರ, ಕೆಮ್ಮು, ತಲೆನೋವು, ಮೂಗು ಸೋರುವಿಕೆ, ಗಂಟಲಿನ ಊತ, ಮೂಗು ಮತ್ತು ಒಸಡಿನಿಂದ ರಕ್ತ ಸೋರುವಿಕೆ, ಉಸಿರಾಡಲು ತೊಂದರೆಯಾಗುವುದು ಇತ್ಯಾದಿ ಕಾಯಿಲೆಯ ಲಕ್ಷಣಗಳು.
- ಕೆಲವರಲ್ಲಿ ವಾಕರಿಕೆ, ವಾಂತಿ ಮತ್ತು ಬೇಧಿಯು ಕಂಡುಬರುವುದು ಎಂದು ಹೇಳಲಾಗಿದೆ.
- ಇನ್ನು ಕೆಲವರಲ್ಲಿ ಕಣ್ಣು ಕೆಂಪಾಗುವ ಸಮಸ್ಯೆಯು ಕಂಡುಬರಬಹುದು ಎಕ್ಸರೇ ಪರೀಕ್ಷೆಯಿಂದ ಎದೆಯಲ್ಲಿ ಉಂಟಾಗಿರುವ ಬದಲಾವಣೆಗಳು ಎದ್ದು ಕಾಣುತ್ತವೆ.
- ರೋಗಿಯ ಮೂಗು ಮತ್ತು ಗಂಟಲಿನ ದ್ರವವನ್ನು ಪ್ರಯೋಗಾಲಯದಲ್ಲಿ ಪರೀಕ್ಷೆಗೊಳಪಡಿಸಿ ರೋಗ ಅಂಟಿರುವುದನ್ನು ದೃಢಪಡಿಸಿಕೊಳ್ಳಬಹುದು.
- ಹಕ್ಕಿ ಜ್ವರದಿಂದ ಸಾವುಂಟಾಗುವುದು ಉಸಿರಾಟ ತೊಂದರೆಯಾಗುವುದರಿಂದ ಸೋಂಕು ದೇಹದೊಳಗೆ ಹೋಗಿ. 2-3 ದಿನಗಳಲ್ಲಿ ಇದರ ಲಕ್ಷಣಗಳು ಕಾಣಿಸಿಕೊಳ್ಳುವುದರಿಂದ ಇದಕ್ಕೆ ತಕ್ಷಣವೆ ಚಿಕಿತ್ಸೆ ಪಡೆದುಕೊಂಡರೆ ಆಗ ಇದು ಪ್ರಾಣಾಂತಿಕವಾಗುವುದನ್ನು ತಪ್ಪಿಸಬಹುದಾಗಿದೆ.
- ದಿನಕ್ಕೊಂದರಂತೆ ಏಳು ದಿನ “ಟ್ಯಾಮಿಥ್ಯ ಅಥವಾ ರಿಲಿಂಜ್” ಮಾತ್ರೆ ಸೇವಿಸಬೇಕಾಗುತ್ತದೆ. ಹಾಗಾಗಿ ಯಾವುದಾದರೂ ಲಕ್ಷಣ ಕಂಡು ಬಂದಲ್ಲಿ ಅದನ್ನು ನಿರ್ಲಕ್ಷ್ಯ ಮಾಡದೆಯೇ ತಕ್ಷಣ ವೈದ್ಯರ ಸಲಹೆ ಪಡೆದುಕೊಳ್ಳಿ.
ಹಕ್ಕಿ ಜ್ವರ ಬರದಂತೆ ತಡೆಯುವುದು ಹೇಗೆ?
- ಹಕ್ಕಿ ಜ್ವರ ಕಾಣಿಸಿಕೊಂಡಿರುವಂತಹ ಯಾವುದೇ ಪ್ರದೇಶಕ್ಕೆ ಪ್ರಯಾಣ ಬೆಳೆಸುತ್ತಿದ್ದರೆ, ಆಗ ನೀವು ಕೆಲವೊಂದು ಅಂಶಗಳನ್ನು ಗಮನಿಸಬೇಕಾಗುತ್ತದೆ.
- ನೈರ್ಮಲ್ಯ: ಕೈಗಳನ್ನು ಚೆನ್ನಾಗಿ ತೊಳೆಯಿರಿ
ಕೋಳಿ ಸಾಬೂನು ಮತ್ತು ನೀರು, ವಿಶೇಷವಾಗಿ ಹಸಿ ಮೊಟ್ಟೆಗಳು, ಮತ್ತು ಪಕ್ಷಿಗಳು ಅಥವಾ ಅವುಗಳ ಹಿಕ್ಕೆಗಳೊಂದಿಗೆ ಯಾವುದೇ ಸಂಪರ್ಕದ ನಂತರ. - ಸಂಪರ್ಕವನ್ನು ತಪ್ಪಿಸಿ: ಸಂಪರ್ಕವನ್ನು ಕಡಿಮೆ ಮಾಡಿ
ಅನಾರೋಗ್ಯ ಅಥವಾ ಸತ್ತ ಪಕ್ಷಿಗಳು, ಕಾಡು ಪಕ್ಷಿಗಳು ಮತ್ತು ಕೋಳಿ ಸಾಕಣೆ ಕೇಂದ್ರಗಳು. - ನಿಮ್ಮನ್ನು ರಕ್ಷಿಸಿಕೊಳ್ಳಿ: ರಕ್ಷಣಾತ್ಮಕ ಉಡುಪುಗಳನ್ನು ಧರಿಸಿ
ಪಕ್ಷಿಗಳನ್ನು ನಿರ್ವಹಿಸುವಾಗ ಕೈಗವಸುಗಳು, ಕನ್ನಡಕಗಳು ಮತ್ತು ಮುಖವಾಡಗಳಂತಹ ಉಡುಪುಗಳು, ವಿಶೇಷವಾಗಿ ಹೆಚ್ಚಿನ ಅಪಾಯದ ಪ್ರದೇಶಗಳಲ್ಲಿ. - ಆಹಾರ ಸುರಕ್ಷತೆ: ಶಾಖವು ವೈರಸ್ ಅನ್ನು ಕೊಲ್ಲುತ್ತದೆಯಾದ್ದರಿಂದ ಕೋಳಿಗಳನ್ನು ಸಂಪೂರ್ಣವಾಗಿ ಬೇಯಿಸಿ.
- ಕ್ಲೀನ್ ಮೇಲ್ಮೈಗಳು: ಸೋಂಕಿತ ಪಕ್ಷಿಗಳು ಅಥವಾ ಅವುಗಳ ಹಿಕ್ಕೆಗಳ ಸಂಪರ್ಕಕ್ಕೆ ಬಂದಿರುವ ಮೇಲ್ಮೈಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ ಮತ್ತು ಸೋಂಕುರಹಿತಗೊಳಿಸಿ.
ಹಕ್ಕಿ ಜ್ವರದ ಬಗ್ಗೆ ಈ ಲೇಖನ ತುಂಬಾ ಮಾಹಿತಿಪೂರ್ಣವಾಗಿದೆ. ವೈರಸ್ ಹೇಗೆ ಹರಡುತ್ತದೆ ಮತ್ತು ಅದರಿಂದ ಹೇಗೆ ರಕ್ಷಿಸಿಕೊಳ್ಳಬೇಕು ಎಂಬುದನ್ನು ಸ್ಪಷ್ಟವಾಗಿ ವಿವರಿಸಲಾಗಿದೆ. ಆದರೆ, ಈ ರೋಗದ ಬಗ್ಗೆ ಇನ್ನೂ ಹೆಚ್ಚಿನ ಅರಿವು ಮೂಡಿಸುವ ಅಗತ್ಯವಿದೆ ಎಂದು ನನಗೆ ಅನಿಸುತ್ತದೆ. ವಿಶೇಷವಾಗಿ, ಮನುಷ್ಯರಿಂದ ಮನುಷ್ಯರಿಗೆ ಈ ರೋಗ ಹರಡುವ ಸಾಧ್ಯತೆ ಇಲ್ಲ ಎಂಬುದು ಒಂದು ಧೈರ್ಯದ ಮಾತು. ಆದರೆ, ಇದು ನಿಜವಾಗಿಯೂ ಸುರಕ್ಷಿತವೇ? ಹಕ್ಕಿ ಜ್ವರದಿಂದ ಬಳಲುತ್ತಿರುವ ಪ್ರದೇಶಗಳಲ್ಲಿ ಜನರು ತಮ್ಮ ಆರೋಗ್ಯವನ್ನು ಹೇಗೆ ಕಾಪಾಡಿಕೊಳ್ಳಬೇಕು ಎಂಬುದರ ಬಗ್ಗೆ ಹೆಚ್ಚಿನ ಮಾರ್ಗದರ್ಶನ ನೀಡಬಹುದಿತ್ತು. ಕರ್ನಾಟಕದಲ್ಲಿ ಇತ್ತೀಚೆಗೆ ಕಂಡುಬಂದ ಸೋಂಕುಗಳು ಚಿಂತಾಜನಕವಾಗಿವೆ. ಈ ವಿಷಯದ ಬಗ್ಗೆ ಸರ್ಕಾರ ಮತ್ತು ಆರೋಗ್ಯ ಸಂಸ್ಥೆಗಳು ಹೆಚ್ಚಿನ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ನಾನು ಭಾವಿಸುತ್ತೇನೆ. ನಿಮ್ಮ ಅಭಿಪ್ರಾಯವೇನು? ಹಕ್ಕಿ ಜ್ವರದ ಬಗ್ಗೆ ನೀವು ಹೆಚ್ಚಿನ ಮಾಹಿತಿ ಹಂಚಿಕೊಳ್ಳಲು ಇಷ್ಟಪಡುತ್ತೀರಾ?